"佢" - 能夠抵禦45度的中東沙漠高溫，零下30度的哈爾濱嚴寒；
"佢" - 可以在5000m以上的喜馬拉亞山及四川、西藏高原，如履平地的追巴士，可以潛入30m以下的海底拍照；
"佢" - 可以負重20kg的器材，十多小時的追踪瞬間消逝的美景。
"佢"係邊個，我只知道"佢"叫自己做 「戰神」的傻人，點解？
因為明明很多人要求跟佢去遨遊天下，偏偏係要"佢"一個人去挑戰孤獨，幸好個天同"佢"父母獻咗一個無咩特別但好好的名字俾"佢"，「兆」我估係果個寫出世紙個人聽錯咗，應該係「笑」！所以"佢"話自己做「快樂戰神」，上天和父母都冇給"佢"擁有潘安的俊俏、蘇東坡的文采、米高佐敦的身材、梁朝偉的眼神、張學友的歌聲…以上一樣都沒有，而且仲係光棍一條！不過"佢"都係在含住蕉的艱苦歲月中成長出茁莊堅毅的性格，凡事都學懂一笑至之的豁達心情，即使是一個人在途上，仍然以燦爛的笑容，等待着一個信念–明天會更好，所以上天一路上都給"佢"結識了很多朋友，可說相識滿天下。
今次去了美國人叫邪惡軸心國的伊朗，"佢"真正體會到邪惡軸心國，其實真係美國。人地伊朗人不知幾友善，又好客，見到成条細佬的"佢"，一包兩包，雖然雞雞遇上鴨鴨，都主動上來幫我手，3個5個人咁飛出馬路幫我截車，他們見到"佢"精通俄文、法文、西班牙文等…就只有波斯文字不懂，常常見"佢"拿出地圖，都主動來幫"佢"，試過酒店連地圖都冇，個職員幫我花了半小時劃了一張，叫我袋住去玩，"佢"認識了幾個伊朗的新朋友，怕我不懂回酒店，先和"佢"坐的士回去才自己回家…我反而覺得我們大城市的人太狡猾了，純僕的小村真是太多好人了？同戰神一樣, 小城市的人臉上滿帶著微笑一樣, 經常走在街上, 好像小胡出巡時, 不時要停下來和路人打招呼。
回說就是因為我有長不大的娃娃臉，永遠小朋友的高度，這裏的人還猜我卄多歲，開心是開心，人地讚你年輕？還試過有一個後生靚仔，他走過來說和我合照，拍了後，他開心的用手"meet"我臉珠，你話呀？幾十歲人俾人輕薄, 是不是想哭！原來我還是一個長不大的細佬。
其實很多時人是被外表所騙的，美國佬說人家是壞人，我們又誤信，我地d外表open, 內裏斯文的人就被講為沒深度，仗義每多屠狗輩，謙謙君子，悠悠我心，我地d講得出，做得到的人，未必人人懂得欣賞！記得我2年前說過希望可以一年去3個新國家見識嗎? 結果去年去了4個，今年只半年我就去了3個，你呢？有沒有說過對自己的承諾付出, 對自己好一點嗎? 為自己的理想和目標而戰嗎? LET'S GO！快樂戰神。
伊朗相片 http://community.webshots.com/album/559658067eViUEq?start=0
伊朗旅遊日誌, 不日推出, 敬請留意！大佬, 弄相都弄了我這星期晚晚2點睡了, 有2晚仲4點tim, 大家見諒!
預告篇11月日本京都嵯峨野紅葉之旅, 12月哈爾濱亞布力滑雪行, 戰神GO GO GO...
