捱咗十幾日鬼佬餐, 飛去大連吃餐正海鮮

29/3 0900就飛去大連, 在摩洛哥捱咗十多日, 一定要吃餐好的, 這次是我到大連以來, 天色最差的一天,

1230到達, 先回酒店, 放下行李就到俄羅斯風情街幫朋友買東西,

今次街上有點特別, 因為電車又變了, 新款電車出場了,

買完東西就早一點去吃晚飯, 我知大家對大連的海鮮都不會陌生了,

試間新菜館, 由於沒有黃海膽賣, 今次吃了黑海膽, 味道細緻, 好清新, 至於生拌遼叄就比較咸, 那個蛋炒魚籽就麻麻, 赤貝就未夠彈牙, 可惜! 之後有80元贈券, 所以話光棍佬教仔。

30/3 睡多點, 休息多點, 想起又買漏了東西, 又去俄羅斯風情街, 今天天氣好了,

中午再使用那些贈券, 原來午餐很多東西送, 又巨型饅頭, 又粥,

都係一樣, 主菜生拌遼叄, 黑海膽, 其他就一般粉絲蒸帶子咁! 之後去逛吓街, 想來想去, 都想不到大連那裏未去過, 於是周圍蕩,

仲要回去午睡一下才等到晚飯時間, 終於才明白 80元的便宜莫貪, 去到主場, 又是平日的order, 又是食到飽飽, 但明顯份量多三分一, 黃海膽勁肥勁有鮮味, 比黑海膽的味濃, 海叄勁有咬口, 試過咁多間, 都係主場平、靚 、正…

 

31/3 1100才走去清泥街行, 打發時間, 1240才上機, 誰知…又遇上Catwalk show, 仲要俾"食蕉"趕,  等我開心過度, 到機場1200, 嚇死！

 

 

亞吱亞咗 - 摩洛哥 08 Casablanca - Fes

還有朋友問我去摩洛哥, 記得買多點東西回來? 大家記錯了, 摩洛哥(Morocco) 和摩納哥(Monaco), 摩洛哥在北非, 和西班牙只相距一海之隔, 4 小時船程就可由西班牙到摩洛哥, 而摩納哥夾在意大利和法國之間, 世界第二細小國家(梵帝崗是全球最細國家), 摩洛哥很多人用腳行去上班, 有部份是騎騾等, 摩納哥的人是駕平治, 寶馬, 有部份還是駕遊艇, 我可以說是地獄和天堂之別!

14/3 請了下午的假期, 回家整理已收拾好行李, 不竟一個人去, 小心點好! 坐上1815的QATAR AIRLINES 的航機, 先到Doha, 上次來Doha 是06亞運前,

明顯比當年改善了, 地方寬大了, 但次次都坐接駁巴士, 總覺它要和Emiretes 比, 還要加點勁?

15/3 0800 終於到了北非的大城市Casablanca了, 坐了十多卄小時飛機, 可能睡得不好, 反應有點遲鈍, 先前一早決定是反時針方向的行程, 看了當日的環境, 我直覺改了順時針方向, 心念轉心境變, 以後就信靠上天的安排了, 是福不是禍, 是禍躲不了。在機場銀行兌錢Eruo: Dirhams (Dhs) = 1:12.12, 跟着坐5小時的火車去古城Fes,

火車站好簡陋

火車就係咁 ka

機場的火車算最靚, 可想以後?

中轉火車站內外

火車站外的建築

遇上第一個摩洛哥的微笑

咪鬼理, 火車上ㄡ影

月台上又影
1410 到達了古城Fes, 先到處找酒店, 一找找了一間幾好的, 380Dhs, 好! 貨比三家, 行吓找吓看吓, 有80Dhs, 有100Dhs, 感覺勁過重慶森林 + 亞飛正傳, 回先前的酒店, 話 Full 咗, 咁橋! 正惶恐之際, 先前叫我去佢間Riad 条友又來話看看無妨, 你咪話唔驚? 話曬我都係 Jacky Chan?  (話說點解我係Jacky Chan? 我開始贊同一個人的成就, 我話我是come from HK, 佢地話係咪Japan? 我話係China 呀! 都唔係個個明,  本人唯有紥一紥馬, 舉一舉橋手, I'm Jacky Chan / Jet Li / Bruce Lee, 大家就知我係咪料, 冇計! 結果我就用佢三位巨星的名行騙了10日的摩洛哥。) 說回酒店, 条友帶我去橫街, 左穿右插，到了大宅, 一開門,  嘩!

800Dhs 一間雙人房, 都幾大幾正, 開價唔貴, 都算OK, 但我一条友, 有冇平 d 呀?  好! 条友就話我咁似Jacky Chan，醒個單人房俾我, 300Dhs, 一口應承，點知? 老友, e 間是樓梯轉角工人房來過 wor? 都收300Dhs, 所以你話你係 Jacky Chan, 住柴房都要貴過人?  下次我話係地盆古天樂算吧! 剛來報到, 當然一定要先吃點虧!

放下行李, 準備出去觀光, 又給我遇上中國面孔, 二女一男, 原來也是香港人, 是屯門醫院妙手仁心的程至美, 唐姿禮和何心妍, 他們昨天來了, 今天就要走了, 我送他們到車站後就行這裏的市集Medina, 不過老實說, 真像香港的女人街、廟街!

因為連地圖都冇, 不可能行得太晚, 日落後一定要回頭, 見 d 酸奶好多人買, 2 Dhs我又買瓶試試, 好味道! 晚上就沒什麼做, 只用來plan 明天行程, 可是時差問題, 都要0000才睡!