印度回來後感

終於有空坐下來細味, 回憶這天堂與地獄只一線之差的鬼地方 - 印度

估不到印度面積是全世界排行第七大? 中國也只是第三! 然而卻有著10億人口, 僅次中國的13億, 估計2010年印度佬將统治世界, 成為人口最多的國家, 但其實這只是幻覺, 如果你要計算那些出了口到了外國的, 一定更加多, 直至我去過印度後, 親自和星爺談心, 才知他們個個家庭最少生3-4個, 死未? 平日星爺冇咩好做, 因為真是不像香港咁多姿多采, 咪唯有做人喎!

首先講番31/3 坐夜機, 估唔到到點名時發現"似是故人來", 原來以前在Nepal 認識的Ken & William 竟然是今次的團友, 世界真細少? 經過6小時多的機程, 零晨3點左右到新德里, Hilton 住幾個鐘, 但真係好正的酒店?

1/4 只睡了幾小時, 7,8 點就急不及待到酒店參觀, 真係幾好的酒店, 吃早餐自助餐, 其實真係有點hahaha.. 因為個碟都有層塵? 死未? 蒼蠅飛來飛去, 雖只3-5隻, 但感覺就麻麻, 吃完早餐趕內陸機去喀什米爾, 飛了大約2小時, 到了, 唔係嗎? 個機場落後到咁? 仲勁過我所去過中國最落後的機場, 下著雨, 又要拖喼出去找車, 很麻煩! 上了吉普車回船屋, 好似喼神話: 俾人揾笨, 又話特色! 我們一條船屋住3 pair, 我有幸和Mrs & Mr Chan (後來才知陳生叫衝親(John Chan)) 勁攪笑的Uncle, Piony & Mandy, Sylvia 一起住, 放下行李, 就開車去Mughal Garden蒙戈爾公園, 但現在仍然未十分温暖, 花又未開, 看草都OK, 如果開了花才來, 一定很靚, 草草行了1.5-2小時就去參觀地氈舖, 車! 其實係住家式, 我由得佢自己show off, 最後邊有人買? 頸巾都OK, 回到船屋, Wa... 冇味咖喱雞, 冇味羊, 蔬菜, 這是特色餐了, 冲凉的水又不穩定, 電力又不足, 床好像有點潮濕, 感覺超正, 我要穿上長衫以免接觸到被舖

2/4 早上起來, 一如遇測, 多雲, 總之不下大雨就OK, 早餐是麵包, 果醬, 粥等, 可說是維持生命,

 好喇, 出發上Gulmarg 古爾瑪雪山了, 途中見到很多油菜花田, 好開心! 本來是不可停車的, 結果我們叫司機慢慢映相, 誰知後面William's 車以為停, 就下了花田, 我們一於follow la? 上到雪山就分2路, 一方淨步行, 一方滑雪撬, 我不玩了, 只是行行算了, 這是最凍的地方, 原來這裡還有雪? 中午又回船屋lunch, 唔! 昨晚的羊肉是一塊塊的, 今天是一粒粒, 莫非..... 算la, 後來到市區參觀, 上了一個高地, 有個廟, 裡面有我偶像 - 印度J神, 我和喼神一定要拜見衪la? 跟著又回到市內特色尖頂回教寺, 看罷又回船屋, 頂! 真係羊肉碎.....

3/4 今天早上天晴了, 我就早早7點出外走走, 但故然是沒驚喜, 回到船屋吃早餐, ar..今天是烤多士? 誰知吃了一口後, 他們才說星爺邊ar 腳邊烤的麵包, 正嗎?   

後來坐艇仔遊湖, 遊罷回去收拾行李, 上車到機場回 New Dalhi, 但最麻煩莫過於行李檢查, 要4次!

 回到New Deli 後又要坐6小時車到Agra, 其實250km好近, 但路上有牛車, 羊車, 路又不算好, 開不快! 到了Agra 都10點多才吃dinner, 但酒店房超大, 

4/4 早晨起來才知酒店可以見到Taj Mahal泰姬陵, 15mins 車程就到了, 終於見到了我今次來印度的重點景色, 人山人海, 團友們圍着泰姬陵映, 不知逗留了多久, 我又奇怪地遇上一位獨自由香港來的靚女, 哈哈

 於是繼續自己邊映相邊走, Agra 太熱了, 熱死人la! 1.5小時參觀後回到酒店又吃buffet lunch, 跟著到 Agra Fort 愛加拉堡, 又在這參觀1.5小時, 又遇上先前那靚女, 一定抄下佢牌la..哈哈!

跟看又趕車去勝利門, 又坐6小時車到 Jaipur. 又要10時才吃dinner, 死得la?

5/4 早晨5:30am先來個morning Yoga, 吃了早餐後到Amber Fort琥珀堡, 本來騎大象, 點知人多排長龍, 改坐Jeep, 說真, 印度佬d 堡的手工真係唔錯! 遊罷就回去手信鋪行下, 又遇上熱情德國人, 拍下照, 跟著回酒店吃lunch 後到City Palace城市皇宮行, 又行什麼天文台, 勁老襯! 街頭行行Hawa Mahal風之宮, 可惜日落西斜, 不好看, 回到酒店後, 游下水, 享受一下酒店設施,

6/4 一早又要坐6小時車回New Delhi 了, 吃過一頓中餐午餐, 看過甘地墓, 印度門, 白色回教寺, 加德古塔後, 欣賞過一回很普通的印度舞和燒烤餐後回酒店, Hyatt 都是一般, 沒有早前2間好, 由於要零晨3:30 morning call, 但都沒有早睡,

7/4 Hyatt吃包的日子, 因為太早沒人準備, 只好吃麵包, 5:30 到機場, 坐7:15 早機回港

回港後原來有幾個團友肚瀉! 我自己就以為還在印度, 回港剛巧又凍了幾天, 感冒了, 加上Notebook 又壞了, 死唔死! 攪了幾天, 但有件事就非常高興, 沒想過這輯相片有那麼多人喜歡? 我joined 這網站4年, 從未試過咁多外國人覆我留言!

http://travel.webshots.com/album/558635218CVgDNz