真是想不通

早幾天又和一班在印度旅行時認識的朋友吃飯，四月才認識我，六月我已去了伊朗，明天我就去大連游水，十月去柬埔寨，十一月去京都，十二月未定，大家紛紛又談到我的工作，以為我是旅行為生？連認識我的人都這樣說，莫說其他不認識我的人，最近就在一個網站和人交流自己去過的名勝，竟然被人指“吹水”，連我的劣作相片都說成在旺角的商場買來的，結果一怒之下，頓成罵戰。Haha...估唔到老人家都咁好火？

其實不知甚麼？大家那麼賞識小弟？經常問我下一站去哪？爭着要和我去玩，唔通我真係咁受歡迎？上次去東非，一去就五個女仔跟我去玩，其實帶人去玩，真是很大壓力，又怕人地唔喜歡，好怕呀！我自己去，又怕咩？

十月又話有個靚女想跟我去柬埔寨，死la？點算？

十二月去京都仲大鑊，好似成個永安、星晨？淨係booked機票話跟我去都四個人，又攪咩？咁多人去，我本來可以好瀟灑一個人去玩，喜歡就留多一天玩，不開心就馬上走，現在就要為人想了，煩惱！加上人多了，安排就麻煩了，點算？

煩惱的事為何都是一起來？自從以為3 年前忘記妳之後，毅然用旅行麻醉自己，結果越來越愛上它。這幾個月，一下子就出現了幾個心儀的目標，在平靜了 3年的湖上又再泛起了漣漪，唉！很久沒遇上喜歡的女仔？ 但是香港女仔好難攪！點算？