其實日本近畿包咩地方, 你問arm 人了, 因為你問正了地圖, 我有一個習慣, 是保留地圖, 近畿包括 - 兵庫縣 - 著名的地方有神户, 姬路, 京都府 - 京都, 滋賀縣 - 大津, 琵琶湖, 三重縣, 大阪府 - 大阪, 奈良縣 - 奈良, 和歌山縣 - 白浜, 那智紀伊勝蒲....
以日本來計, 我由南的鹿兒島玩到北的網走, 去了七, 八次日本, 都可以算是少少日來通, 近幾年愛上了北海道, 每一至兩年必去一次, 所以近畿一帶, 已經是98年以前去過以後沒踏足的地方, 還要帶鴨仔(因為竟然有4個儍人不怕苦, 跟我去玩, 結果....哈哈! 我都不想呢! 有位老友行到兩腳生水疱, 死未!) 帶人去玩, 很太壓力, 自己一条友, 好似戰神上身, 衝呀衝, 又勁又自由, 下次要我攪, 真係細心想一吓先? 
今天如果要我評分, 1) 行程計劃 - 100分, 勁正, 做咗3年秋葉情報才去, 嵐山嵯峨野85%紅葉, 東褔寺80%紅葉, 清水寺85%紅葉, 算係有交代, 2) 行程安排 - 80分, 為咗節省金錢, 買張關西pass, 行鬼咁遠, 仲轉來轉去, 3) 食方面 - 勁美食團, 100分, 有松葉蟹, 河豚, 神户牛, 黑毛和牛, 海鮮窩, 鯨魚....一個人去, 邊吃到咁多嘢? 現在想起都正, 3) 住就差d, 50分, 只有一天住海景温泉大酒店, 其他就.....
很一般民宿, 旅店等.. 最慘是京都住了"來來" 老鼠屋, Sorry! 秋天旺季+日本假期, 見諒! 4) Shopping, 40分, 基本上本人是很少購物, 但來到日本, 我都買了3-4袋百佳大袋, 由早上1000放到1500 大家都未夠, Sorry! 我自己就無所謂, 因為我行少一點就足夠, 大家下次要預多點時間?
Day 1 (17/11) Sat CX506 1030左右飛, 我們0815-0830集合, 嘩嘩嘩! CX条隊咁長? 經濟果然大好, 吃過早餐後出境, 誰知一条跑道關閉, 飛機遲30分鐘, 到關西機場已經連入境都1530了, 一出境就煩了, 因為沒book 酒店, 原本想住和歌山, 又怕大家怕悶, 改了住大阪, 咪話我老吹, 機場travel agents 靚女都話, 全日爆滿, 
無咁誇張嗎? 成個大阪找2個房都冇? 你咪當我流, 打個電話去其他小旅店, OK, 有房, 話 1730 到, 點知又為節儉, 坐慢車, 其實相差15分鐘, 但等開車, 結果花多共30分鐘, 到了近鐵難波站已經1800-1815了, 嘩! 勁! 飛的去酒店, 你知道日本的士出名咩? 貴, 都算我做定功課, 15分鐘車程, 不用100大元港幣, 以後, 我們坐的士多過坐巴士, 因為我帶了兩位闊太來? 
回到酒店, 放下行李, 自然就是醫肚了, 一來我們住心齋橋, 順路行去, 決定吃道頓崛蟹宴, 正.....嘩! 咁多人等位? 2100才可吃, 算! 先逛街, 吃完了又掃吓街, 吃吓雪糕, 正!
Day 2 (18/11) 趕車去紀伊勝浦, 於是又乘的士去JR難波, 草草一頓麥當勞, 坐上10xx 火車, 坐了4小時多才到這小漁港, 坐小船回酒店, 再出去吃午飯, 已經是1530-1600了, 找了一間小店, 誰知可能是Sun, 什麼都好像賣完了, 草草叫了點魚生, 海螺, 吞拿魚胃, "司陷"等吃, 最攪事就是我寫的日文, 她們不明白我寫咩, 只是勁笑, 
, 我唯有自己入廚房"簡", 不過味道一般, 可能是"賣餘蔗" 掛? 路過壽司店, 加個大拼盆去露天碼頭浸住腳食, 正! 跟著開始地獄式浸温泉團, 又坐船去中の島溫泉酒店個「紀州潮聞の湯」, 1700已經天黑了, 我們訂下1830在酒店Lobby 等, 嘩! 望住個半黑的海洋, 浸住温泉, 等到天上的星星出來向你微笑, 正! 死未? 又坐船回碼頭, 果然是Sun, 咩舖頭都關了七七八八, 又幸運找到間居酒店, 正! 鯨壽司刺身來也
, 吃完飯2100左右, 回自己住的浦島酒店去浸下温泉, 因為有些温泉2200關, 有些2300關, OK, 先上山上山上露天風呂／狼煙の湯, 一邊看著星星一邊浸, 好enjoy, 再去新開的天海の湯, 跟著回山下最著名的忘歸洞, 可惜太晚了, 享受不到這個天地合一的大温泉, 全日浸了2-3小時浸泉, 好滿足, 回房睡了。
Day 3 (19/11) 0630死心不惜, 一定要再浸一次晨早忘歸洞, 嘩! 所以話哩? 原來昨晚女湯和男湯交換了, 真正忘歸洞的實力才顯現, 勁正! 日出晨曦直照入洞, 好正? 
跟著我掃場, 磯の湯, 玄武洞, なぎさ元湯 續一參觀, 只是浸浸身就走了, 0800相約吃早餐, 吃到0900靚太不見了, 回房間等, 原來她們去高級酒店那邊餐廳吃早餐, 面向太平洋看著日出, 你自已想想, 正嗎? 但就是太靚了, 靚太忘歸了, 結果相約好Toyota 的租車又遲了30分鐘去取車, 1100出發了, 飛車去那智大社, 點知抄錯電話, GPS search 錯了, 我就靠著先前看過的地圖位置+多少運氣, 都走錯了不少, 變了增遊多一點景點, 終於找到了那智大社, 那智大滝, 
但花多了很多時間, 結果弄到1300才回到勝浦吃午飯, 立即又要趕快在日落前到白浜, 路經串本橋杭岩, 海金剛, 又到潮岬(本洲最南端), GPS問題一直出現, 因為中途問路, 叫了日本仔司機攪GPS, 越攪越忙, 可能set錯嘢, 唔知點recovery, 算! 憑著戰神過往披荊斬棘的能力, 駕駛者的直覺, 重要是有路牌, 我只能說一句, 真係勁! 中途仲要加插海邊等看日落晚霞, 結果順利1800到了白浜民宿, 好感動! 民宿靚女話set 好了晚飯, 因為我book的時候order 一泊二食, 我們放下行李, 可以吃晚飯, , 點知? 一開餐廳門, 我們差點哭出來, 太感人了! 海鮮雜菜鍋+活魚刺身, 咪咁誇張! 吃完了, 2000-2030駕車去浸吓local 温泉 - 白良湯, 浸完行吓海灘, 聽吓濤看吓海, 酒店靚女仲私火醒我一袋煙花我玩, 好開心!
沒有留言:
發佈留言