亞吱亞咗 - 摩洛哥 08 Chefchaouen - Meknes

17/3 你亞爺! 真神又來了,  真是佛法無邊, 又守時, 看看錶, 0400, 可不可以放過我呀?  又眼光光等天光, 今次一天明, 我就收拾好東西, 因為又要在1230 坐巴士到另一個市Meknes, 可是0700 旅店門是關上的, 結果0730 我忍不住叫醒了前台的哥仔,

直奔上對面山頭, 望着這小山, 我立時想起高橋陽一先生的作品 - 足球小將中的小志强, 究竟咩的路是最怏?  

對! 就是直線, 我沒找到可行的山路, 最直接就是邊行邊爬, 手足並用的登山去吧?  背着 7-8 kg 的相機上山, 直情型到腳震!  不過, 站在這裹回望小鎮, 好舒服, 好靚!

嗄! 在山上就容易看, 點解右方有条山路?  , 頂! 辦勁咩?  鬼知呀? 沿途下山回到舊城區, 要爭取時間了,

回到廣場,

見到一幕好笑的場面, 哪哪哪! e d 就係真正的曬太陽呀? 成個廣場都見到你啦?

跟着又遇上屯門妙手仁心, 咁巧合? 他們和我同車, 到車站又買個 sandwish 等巴士, 今次仲誇, 坐90 Dhs 收 50 Dhs 行李, 好! 有女仔在, 算數! 架車仲要遲1 hr, 究竟架車有幾正?

 頂! 架車似參加歡樂滿東華多 d?

在車上和程至美聊天, 才知Sahara Tour 勁滿, 要早2 天book, 於是就打電話, 才知原來這裹的電話卡, 只有號碼而沒有包括價值, 要另外再買充值卡,  我唯有先問靚女醫生借用電話, 但又常打不通?  就想想找其他公司, 找找下才發現我上網copied 回來的地區字頭有點不對, 再試試, 原來 d 不負責任的 blog 友抄錯, 好彩我出路遇貴人 jer?  终於到分手的時刻, 1730 终於到轉車站, 告別俊男美女們, 又孤身上路了, 1830 到達Meknes, 都是大城市, 我又遇上西班牙的朋友 Ivan, 當我用上苦學了半年的西班牙語和他對答時, 他自然是不會明白的喇? 其實Ivan 都識英文的, 於是又一起找Hotel,

我們放下行李就去Medina 行, 兩条友膽粗粗, Ivan 就辦勁, 又行得快又不認路, e次大件事, 迷途了, 行了很久才走出舊區, 沿外圍牆走回去, 才可以坐定吃晚飯,

之後又相約明天一起租車去Vobillus & Moulay Idriss。

P.S. 真是每次我都遇強越強?  我和意大利朋友一起玩, 我d 英文就强了; 和西班牙朋友一起, 我d 國語就勁了, 和英國人一起, 我的日文就正了?  點解? 點解次次都這樣? 好似我回大陸玩, 我明明講緊普通話,  佢失驚無神叫我 : "麻煩你說普通話?" , 頂! 我開始明白, 因為我的國語博大精深, 集湖南, 湖北, 四川, 東北口音於一句子之中, 一般凡夫俗子, 那裹明白? 唉......!   看來我真係要去教書喇!