巾幗梟雄與我

巾幗梟雄

這齣劇我是從彭鏗想要燒死柴九時, 四奶奶入火場救他一幕才開始看, 我本人一向都喜歡看綠葉? 原因由少我都是人生的配角, 金草, 所以性格上影響了自己, 以前看智叔(廖啓志)、今日的柴九哥(黎耀祥)、看舞台劇就看(辛偉強)(劉守正)(彭振南)(馮蔚衡)(羅冠蘭)等等....

我不是懷疑周潤發, 劉德華等的演技, 根本他們外型已經優先取悅了你, 你何曾會在舞台上不看謝君豪一樣?

外表是一種直接的感觀, 第一眼你就決定了有沒有心情看下去啦? 人們喜愛找靚女靚仔去拍劇賣廣告一樣, 曾幾何時找個醜人去拍呢? 有! 不過機會呢?  有限!

正如讀書時, 校花身邊梗有校草, 高大威猛, 有型靚仔, 每次校花放學, 校草一定咬住条飲管在校門欄杆飲可樂, 好型! 我呢? 我都在現場, 校草支可樂咪我買囉! 我地又唔夠型, 又唔夠料, 咪校草下面的 "地泥" 囉!

所以當年"水廁"安的爛泥, 正情係我心聲!

爛泥

曲：李峻一
詞：陳輝陽@好好笑
編：

你 最盛放的玫瑰 流芳百世 怎可瞬間枯萎
我願意留低 捨身去墊底 任滿天花瓣散落這污泥
我 會為你躺下去 全身貼地 方使你企得起
化做了塵土 腐化中等你 甚至輸出我養份全部直至死
* 願可做你 腳下那堆爛泥 來守護護你
我未理身上那污穢 別輕視我 縱是這種爛泥 能滋潤你
耗盡每分讓你艷壓一切 *
我暗地裡等下去 寧可遠望 不可對你觸摸 眼淚也流乾
讓你可解渴 甚至輸出我血液 無懼被刺死
Repeat *
願可下世 再做這花下泥 來守護你 我願意躺在最污穢
別捨下我 縱是這種爛泥 能親近你 縱被你踩在腳下也矜貴

每朶校花旁一定有幾条校草相伴, 但每条校草下, 你又可曾留意到一堆地泥呢?

黃子華說過:"去Disco, 你地靚女靚仔去到, 到咁上下就會問今晚去你度定我度? 但係你可曾聽見靚女等你天才表演完, 又雜技又吞劍, 才俾你機會和她聊天!" 我這種二三線配角能夠站上主角一位, 好像遙不可及?......