週末週日南澳、深圳遊

28/8 今天的節目, 就是約了一班 fds 去大陸吃海鮮, 坐了近3 hrs (小塞) 到南澳,

 

先去韜韜介紹的海鮮店, 1)南天閣, 2) 南港, 結果選後者, 因為有一樣香港沒有的海產? 麻蟹! 1730 Hi tea 時間先來一個 14人吃極都未完的紫菜湯, 正!

 

花雕加薑蔥隔水蒸鮑魚, 香港好少用的食法。

 

今次來其中一位主角, 就是這種蟹仔? 麻蟹又名浪蟹，是種野生海蟹，出沒於海浪極大的石縫間，通常是漁民取鮑魚時順手抓走。我們選豉油蒸煮, 幾鮮甜, 又幾夠肉。

 

 

蒸蛋白跟蒸海膽, 我吃慣大連新鮮海膽, 就連日本海膽都不放在眼內的我, 相信世上可能只剩加拿大海膽才可吸引我?

 

所以話咪信足韜韜? 南澳海膽差一皮, 不能說不好, 只能說未到班!

 

Hi-tea 都要飲番杯! 新西蘭的!

今日忽然下了大雨, 沒有了可愛的日落!

個個都不信呢個係東平洲?

食完 hi tea, 行行南澳海味街

 

$28条咸魚, 個 fd 聽到佢地用潮洲話說 $10/条

 

1930 再去水頭村吃晚餐, 椒鹽瀨尿蝦, 細細隻, 都鮮味!

 

好大隻芝士焗龍蝦, 另加!

 

 

金錢斑湯 - 其實是石九公湯, 不過超甜!

 

晚餐的白酒是美國 & 智利,

 

果皮蒸鮑魚 - 不過是鮑魚孫, 超細! so sad!

 

薑葱炒膏蟹, 都好香薑葱!

 

蒜茸蒸帶子 - 又係帶子孫, 超超細!

 

鼓椒炒蟶子 - 幾細, 雖然都幾細, 但都爽, 好有鮮味!

 

清蒸芝麻斑 - 合格

 

蒜粉蒸小象拔 - 嘩嘩! 細到好係蚝, 等丙!

 

 

鼓計蒸白鱔 - 味 ok, 不過又係 BB!

 

遠遠有個海膽炒飯 - 比較腥!

 

碟碟都海鮮 BB, 怕不怕罵?

當結賬除龍蝦, 700大元, 是每人 50, 你點樣罵我呀? 龍蝦 +500, 除開晚餐 86大元, Hi tea 韜韜介紹那間得 4款菜都 56啦!

總括 hi tea 間南港是香港價7-8成, 但地方靚, 環境好, 舒服! 晚飯的地方就地道, 環境只是合格, 冷氣又不足, 令大家食慾大減, 但價錢真是超抵, 假如將價格提高 30-40%, 我想所有食物的尺碼就吸引了, 可以說是值得的。

飯後叫老闆梅姐幫手找車回深圳, 本來 270/ 商務車, 只來了 250/ 麵包車, 算了! 可是一部是幾好的車, 但另一部就麻麻地了! 先送一班 fds 回火車站再到福田水都桑拿, 哈哈! 我又帶錯點路, 用了近 2hrs!

11人入場, 計算一下, join member, 3000元送 700元, 有 77折, 抵好多, 最後就過了一夜了!

之後早上又約大家出外吃早餐, 好久沒有來皇崗了, 以前光顧的酒樓也關了, 結果同行朋友的哥哥介紹, 去了沙咀的美城酒樓吃東西, 食物幾好, 地方又幾好。本來吃完想走了, 誰知朋友的哥哥又介紹去做腳底拔罐, 吓! 第一次聽? 我又好奇, 於是一班人又去了下沙麥當當附近一間 "新金源" , 嘩! $30/90mins, $10/tips, 幾抵! 又按得幾好喎?

快樂週末遊就此完結, 回家去了!