港孩

有些前人說話給大家參考吓:

1) 仔女係人地教

2) 本地薑唔辣

3) 慈母出敗兒, 棒下出孝子

 

我地身為長輩的, 過份溺愛保護, 其實令小朋友不懂自立, 我本人做了 24年裙腳仔, 胡裡胡塗一次機會, 一条 "矇丙" 去咗歐洲流浪咗 3個月, 改變哂我餘下的一生! 記得讀書時候, 個年年考第一名的同學, 我大個了才知點解佢年年考第一名, 因為佢 7兄弟姊妹, 佢拿不到獎學金就隨時 game over! 明白嗎? 我地係要培養小朋友的品性和收養, 不是死讀書?

 

另個好好例子, 我有個同學仔, 讀書常常好反叛, 成日頂衝老師, 老師都話佢難教, 但成績比我好不少, 都考 20 名左右, 但好有創意, 今日佢住在美國的矽谷, 係一間誇國公司的華人最高層。

 

愚兄不材, 早早冇 2個同學仔的經歷, 但去過世界咁多地方, 見過咁多人, 我有另一個想法, 我去了滑雪近 5年, 由企鵝滑到幾小時教懂其他人滑, 我已經請我姊姊放 2個仔俾帶去滑雪, 講了 3年, 今年年尾終於批准。其實我和他們去玩, 主要目的係要佢 2兄弟離開父母, 我預咗教識佢地, 就係山頂放低佢 2個, 之後就等佢地學吓自己攪, 我會神秘失踪, 其實係躲起來, 有危險我 才出現。

 

愚兄讀書少, 人教不如身教, 做一個好的榜樣俾小朋友睇, 自己從旁指導, 尤勝千言萬語, 喋喋不休? 父母不可能一世抱着孩子的.....

 

個人意見, 不喜勿妖!