Crystal Cafe

今天約了在 Sipadan 認識的朋友出來吃飯, 選了這間在上環的私房菜, 我終於明白個餐廳名稱

地方環境不錯, 可是在樓下找指示就比較困難, 要花點時間, 燈光如果稍暗15-20% 更有情調, 而以西餐而論, 音樂以西樂或歌曲會比中文流行歌為優。

我們一齊人, 老板好熱情地開了 2 枝紅酒 & 比利時 beer 給我們, 原來朋友是熟客, 怪不得!

首先出爐係呢間的招牌 - home made 麵包, 好多芝麻, 新鮮熱辣, 又鬆化! 正!

之後係木瓜伴凱撒沙律, 六人份量, 嘩! 好似多咗 d ?  唔怕! 蔬菜 je! 連醬都可選千島醬和黑醋,

跟着是磨菰菠菜清湯, 好清! 我ok!

到個 Pizza & 南瓜配帶子意大利飯一齊上, 我暈咗!  點吃呀? 多到見到都飽咗! 南瓜蓉太多, 吃得太飽了! 而且就變得太漿, 飯質就ok, 一少點硬, 其他有些餐廳做到有20%硬, 呢度算做得不錯! 帶子都 ok 啦! 幾大隻! Pizza 你睇到個面幾多料啦! 不過我覺芝士味不夠濃, 愛清淡的人絕對ok!

好啦! 終於開我帶來支1996年的紅酒! 唔錯! 話有85分? 都值!

吓! main course 現在才來? 燒羊架 & 牛肉卷拼菰, 羊扒燒得剛剛好, 到骨位剛有少少血紅色, 一點都冇過火! 好手勢! 又唔羶, 幾"淋", 好嫩滑! 至於個牛肉卷拼菰, 我欣賞個菰多 d, 因為牛肉卷似芝士腸味多 d

Aunt 唔吃牛和羊, 所以我又試多樣豬肋骨, 不過 d cranberry 汁太濃, 蓋過肉味, 可惜d !

還有芒果芝士蛋糕, 酸甜度適中, 但都係芝士味不濃, 奇怪! 有幾濃的薑味! 咁你寫錯了? 叫薑汁濃香芒果芝士蛋糕?

又送多一個好強酒味的朱古力凍, 酒味很濃, 不是每個人都喜歡

加個意大利咖啡, 都幾滑!

非常非常之滿足的一餐!

早幾日看到報章都有介紹