亞吱亞咗 - 摩洛哥 08 Fes - Chefchaouen

16/3 估不到亞拉真神距離那麼遠, 這麽近, 0400 就呼喚了我, 仲鬼死咁大聲"喇叭"聲, 我常人來ka, 你整死我la? 我和真神直接對話到0500,  一直都再難入睡, 捱到0600 就差不多日出, 好! 起床, 走上天台等日出, 雖被羣山阻隔, 都OK, 總算看過摩洛哥的日出!

今天的時間好緊張, 因為1215 要坐巴士到另一小鎮 Chefchaouen, 要坐5-6 小時才到的, 誰知早餐安排遲了, 要0815才開始, 結果都要0900才出發,

今天主打項目一定是漂染廠, 昨日已經探了路, 本應很順利的, 但天氣好, 所以遊人 / 旅行團就一早出動, 路上真是波折重重, 去到染廠附近, 知道戰術是跟日本團去附近的皮革站辨買, 就可以有一個好正的view 影相,  點知俾個導遊發現, 告訴 d 店員知, 其中一個就快手快腳夾我去另一間, 話收 10Dhs 算, 好! 信你, 去到個露台, 不是 good view, 拍幾就想走, 放低 20Dhs, 早料到, 冇錢找, 不過都好,  佢都有良心,  原來幾個舖是互通的, 我跟他走吓走吓, 居然走到去最好的拍攝地方, 算係咁! 我影呀影, 影咗15-20mins. 頂! 条呀叔就話耐, 要收 50Dhs.,  我理鬼你, 講好又唔算, 仲老屈!  誰知他見不端, 恰好又給他見到我袋裹有袋糖, 我咪俾幾粒佢, 點知又話 e 個係fd 又要, 果個又要, 又話自己 4条細路, 結果夾曬我俾小朋友 d 糖, 正賤精!  

之後要怱怱回去拿行李, 1130好趕趕到巴士站, 仲要買個 lunch 上車,  行李又要另收 15Dhs. 唔係嗎? 我張車票 60 Dhs 昨? 又呃! 算! 人地地頭,  車"勁新""勁豪華" 仲有個金絲貓36-24-26 身材索女坐在旁, (想壞你個腦),  完全相反, 好! 車上的冷氣保持著28-30度, 有種Sauna 的 feel, 勁正! 捱到1715左右, 好似係 e 度, 又見有鬼佬下車, 又差不多時間, 我就用流利的日文問旁邊個大嬸, 佢就 &%$*@ 咁! 我又再用流利的英語問多一次, e 次佢明了!   佢指一指司機, 我都 , 好彩問一問, 真係! 快快手下車, 幾乎去到冇雷公! 下了車, 好迷惘, 點算呢? 有個好心遊人見我呆車車, 就來點吓我, 我才知去邊找旅店, 你知嗎? 唔係幾多人勁得咁緊要, 去外國旅行就帶幾張紙去, Guide book 都冇本, 我就係咁盲累累遊世界 ka la?  去到舊城區Medina, 嘩! 又係常滿, 找吓問吓, 才找到一間 100Dhs, 都不錯了!

放下行裝又到附近走, 這裹的女人街好一點, 起碼地方少一點, 不用行那麼多, 最後又恰巧給我看看晚霞, 正!

行行吓到廣場, 竟然又遇上屯門妙手仁心, 於是一齊吃飯吹水, 好開心 ! 佢仲點咗条登山徑我明早做早操。

好好味的甜品檸檬撻