約咗九龍城王帝吃飯

3/5 都知生活迫人 ka la? 假期要上班, 星期六下午又上班, 連星期日都上班?  等你地以為我好得閒常常去旅行, 我係用平時做多 d 忙多 d 來補償?  

話說3/5 下午都由大圍出去尖沙咀厚福街 798 餐廳和朋友慶祝生日吃午餐, 忽怱吃完就回公司繼續下半場工作, 吃咗個牛尾意大利飯, 汁好濃味, 牛尾又去骨, 正合懶人, 啖啖肉, 798 食物唔錯, 不過我同大班 fds 去, 唔好意思影相 + 冇帶相機, 下次補番!

做到咁上下, 約九龍城王帝吃飯, 嘩! 唔係嗎?  南記門口 2100 仲排長龍? 早幾天未吃条烏頭 + 凍蟹, 唉! 又下次la!

老友帶我走咗去街市附近間好好運茶餐廳, 勝在唔洗等, 坐落, 叫咗過凉瓜炆黄花, 咸蛋肉片湯, 水餃, 2条友係咁上下一餐算了! 凉瓜軟硬適中, 黃花就當然係曾經游過水 la? 都ok滑, 肉片就淋咗 d , 可能鬆肉粉落多咗, 不過90 大元/2人, 有湯有飯, 想點?

吃完飯吹完水, 2300, 老友話意由未盡, 還欠一樣,

  

上次去咗合成, 今次去金滿堂, 去到又係排長龍, 好彩 2 条友, 等5-10分就OK了

叫咗個粿子, 有16種味選, 何必偏偏選中你? 有荔枝, 桂花, 青蘋果, 提子, 老實只有荔枝好味, 提子似擦膠, 青蘋唔似, 桂花仲....... 下次試其他, 22大元 

唔知係唔係因為亞姊漏單, 唔好意思? 個fd 話得5-6粒, 我好似多咗幾位芝麻湯丸?  薑汁好正, 芝蔴唔太甜, 常常都唔知價, 今次有得比了? 比合成的糖水平少少, 合成賣薏米腐竹要18, 金記賣13, 不過 d 薏米, 合成大好好多。最後結賑 48元, 我問亞姊咁唔夠50元冇印花?  亞姊話見我似地盆古天樂, 俾個印花我? 哈哈!