星期六, 冇節目, 點呢? 勝香園見

17/5 早上先在家裡吸塵, download 菲律賓的相, 所以不用上班比上班更忙, 昨晚約過中環小王子, 話一起去中環勝香園試吓聞名的奶油脆脆和蕃茄牛麵, 下車後先去等中環小王子, 順道行吓中環, 嘩! 好久沒有來中環了!

 到石扳街逛逛

中環小王子在中環做咗十年, 話九記差咗好多, 但1230 照樣排長龍!

連小王子都唔知咩"勝香園"  , 佢一去到就"車", 舊時九記對面間大排擋, 鬼知叫咩名? 我以為你識嗎?

一樣排長龍,  排在20分鐘, 叫咗馳名蕃茄牛紅腸麵, 奶油豬仔, 老實講, 我只能說在中環消費, 45大元有麵(21), 凍檸蜜(12), 奶油豬(12), 算合理, 但以大排擋就算貴! 蕃茄味不夠濃, 湯稍稀, 牛肉ok, 奶豬幾脆, 只能說中上, 冇傳聞咁誇, 人山人海只係羊羣加上"人怕出名, 豬怕肥"?

之後無無聊, 望住小王子条"麻nut佬" 你看著我, 我看著你, 幾乎想嘔!   心念一轉, 不如過澳門, 反正未去個威尼斯人?  Let's go!

坐1345船, 到了澳門, 點知cheap 精找不到免費shuttle, 於是求其找架車, 去咗Crown, 哈哈!  消遣吓je, 結果嬴咗5 大元! 玩了30-45mins就坐的士去威尼斯人

咁大!  行到腳軟, 去老麥吃個包, 飲杯drink都25大元, 結果小王子又拉我去賭場, 又嬴咗幾百大元, 今天全數捐曬去紅十字會,

之後去碼頭買回程, 2230船, 小王子又話新葡京間自助餐好, 去試試? 後來我才知, 其實佢想又去博, 我又沒玩! 好倦! 小王子今天大勝三大賭場, 確是開心之事, 仲請我去吃自助餐, 可是那邊箱, 四川災民, 心情卻沉重很多!

不過真是Ok, 218 +10%, 有鐵板蒜香牛肉, 波士頓小龍蝦, 生蠔, 刺身, 壽司, 芝士龍蝦, 有成百款, 應有盡有, 五星級酒店地方, 超值!  值得推介!