Applegreen

位於尖沙咀河內道的Applegreen,

今次有兩個朋友跟團去了西班牙回來, 我當然一早order, 請她們帶支西班牙"土炮"回來, 順便聽一下她們今次的經歷。

這裡的服務不錯! 首兩支酒是免開瓶費  

頭盆 - 白汁青口 Steam Mussels, 記得那年在巴黎, 剛巧是青口季節, 份量又多又平, 這裡只有16大隻, 點解咁清楚, 因為我分了每人四次?  青口肉質不錯, 選料好, 如朋友話：「為何不 un?」因為煮得剛好, 味道不錯, 不過細隻一點!

焗薯皮 Potato Boats, 好多網友都讚過, 果然幾好! 開邊fried potato之上加上香草、蕃茄粒 & 水牛芝士, 我覺得焗得不錯, 因為好juicy, 又不太油, 好香!

沙律 - 半份棒棒雞沙律, 呢間主打是沙律, 我吃不出薑汁味? 不知是不是飲了紅酒? , 紫椰菜、蘿蔔、青瓜、雞絲還有幾塊柑肉, 好fresh 的配搭, 味道不錯!

主菜 - 煙肉意粉 Carbonara, 煙肉味不夠, 汁都好 lem, 唔油膩, 粉質少少硬, 煮多少少就最好, 味道不錯! 

海鮮包, 呢個就一般般, 為何? 得兩大隻蝦, 還有青口、蚌、魷魚, 不過個汁就一流, 好香, 有碎茄、碎西芹…

甜品 - 法式焗蛋 Creme Brulee, 這個燉蛋蒸得都幾滑, 裡邊無泡泡，唔太甜! 外邊的焦糖不多不少, 不太厚而少少脆, arm 我

蘋果酥 Apple Crisp, 好特色, 內裡的蘋果餡不太硬, 不太軟, 剛好, 外邊的就小脆, 加雲哩哪雪糕吃, 真有種冰火之感覺!

服務很不錯, 差不多一樣菜上來就換一次碟, 一跌刀叉就馬上送上, 可惜就是比較嘈! 店子少少, 可能燈光明亮加上牆身的裝修反射聲音! 其他都滿意, 值得再去試!