西門町台灣小食

高據網站食評 No. 1 的旺角區西門町台灣小食, 終於要來試試?

2000去到, 仍然人山人海,  在這裏等位最大的考驗, 就是煉獄般的溫度, 門口是女人街的檔口, 滴風不入的情況, 加上檔口的射燈, 不是每個人都捱得住的! 幾經辛苦才捱過 30 mins!

當然先試網友推介, 牛筋牛肉担担麵, 要辣! 點知, 一點都不辣, 牛筋只 9成"林", 牛肉都有少少靭, 麵質就幾好, 整體不錯!

跟着來個雞絲拉皮, 呢個冷盤一定要吃, 好香花生醬和麻醬, 雞絲都幾多, 可惜有一、兩件有渣, 粉皮好滑,

之後仲未飽, 點算? 來多個凉拌茄子, 個汁好好味, 茄子剛剛好, 不硬不太軟,

來多個紅油稨食, 其實即是雲吞, 肉質味道都幾好!

我還喝了一杯蜂蜜薑母茶, 好薑好正!

又講番呢間食店咁多食評讚, 我只能說, 食物未到咁高水平, 只不過是以咁經濟價錢是超值?

不過服務人員招呼算幾好, 人多都唔嗺埋單,

地方太窄, 人多就不要去? 又迫, 隔離座和你好像零距離, 我完全覺得隔離的客人係我老友一樣,

夏天去如果要等位, 你要考慮中暑?