Baby Blue

位於銅鑼灣的Baby Blue, 見 d 網友講咁多食評, 今次就去試試菜啦!  最不滿意訂位個阿姊, 話我地訂 8個位就要用 8 x min. charge, 我點知有冇飛機王 ka? 咁我咪話不是有多少人 count 多少? 敢咪改 7 位? 結果真係 7 個人, 最後你 set 枱又唔係 8 人長枱? 得過講。

先來送份homemade 芝麻包, 熱的包, 好正, 好多黑芝麻, 好香, 不過牛奶唔夠香, 唔夠味!

焗墨西哥粟片, 脆脆地外皮, 加 d 醬汁, 都有 dd 特別, 味稍淡!

又來兩個小食頭盆, 焗田螺, 好香好味, 不過香草味和牛油香不夠!

雞翼棒, 好好味, 外脆內滑,

Main Course 係人人都讚的墨魚汁意大利飯,好creamy, 飯質好黏, 果然首選,

煎帶子野菌天使麵, 帶子幾好味, 汁剛剛好, 不多不少, 好香, 好味道!

跟着兩、三個就敗筆, 燒香雞, 無咩雞味, 先前份雞棒仲正過呢份!

仲有件肉眼忘記影相, 叫 7 成熟, 來到變到 8-9 成, 有 d "鞋", 味同汁都 ok la !

至於個海鮮喇沙就....味好正, 少少辣, 好香, 但 d 粉就硬 dd, 只係剛剛唔生那種, 少少不足之處。

結賬 under min charge 都冇炸型, GOOD, 而且服務算幾好, 人手足, 起碼不用搖旗找人, 燈光暗d, 所以連影相都麻麻地, 好的! d 食物看不清, 有好處?

OK! 地點方便, 但好多人, 幸好地方大, 都只少少嘈! 要訂位, 2100仲有人等, 都可以算是可聚腳之地。