華姐清湯腩

本來想約個靚女去蓮香飲茶, 點知佢又請我食檸檬, 唯有食自己?

在網上睇咗好久, 都話呢間 OK 喎! 咁咪去試下囉? 原來近天后地鐵附近,

點解1630先去到? 1) 避開維園7.1 遊行 , 2) 今早忙到死, 先忙完 upload d 東非動物相上 Blog, 言歸正傳，我呢d 醒目佬, 一去到就講陰號, 正如茶餐廳叫"飛沙走奶", 我坐低就 order 腩河, 加一句, 「唔該要爽腩」,  其實我都唔知咩叫爽腩?  不過網友咁講我咪講? 哈哈! 原來係近軟骨位, 車! 講到咁鬼專業。

叫咗腩河 &腩汁蘿蔔，

先講腩汁蘿蔔，點解張相咁大？你睇！　幾多油，蘿蔔就非常＂淋＂，好正！不過清湯腩汁，味唔夠呢？

清湯腩，ＯＫ，都幾＂淋＂，幾清湯，不過無ｄ網友講咁誇張，又話一月，三月之星？２２元一碗ｏｋｌａ！有樣細節，真係咁係個個識，我吃碗粉到尾聲，發現条河粉＂黐＂碗，點解？兩個可能，１）碗粉一早熟咗送在碗，你order，我用熱湯拖熱，２）先用水煮好，但拿起後放在碗裏，由於碗凍粉熱，所產生的現象，我沒留意，如果係第１）就真係麻麻了！

食物算７０分；

環境算清潔，８０分；

服務，老闆幾好人，有講有笑，好輕鬆氣氛，８５分；

最後結賬　２２＋１０＝３２大元，街坊生意，ＯＫ　

以前灣仔有間幾好味的清湯腩，唔知係咪呢間？嘩！正正在旁邊，咁大競爭？